Home

ކޯވިޑް-19 ގެ ސަބަބުން ދިރިއުޅުމުގެ ޢާއްމު ޙާލަތު މިވަނީ ބަދަލުވެފައި. މިކަމުގެ ސަބަބުން ކުޑަކުދިންގެ ނަފްސާނީ އަދި އިޖްތިމާޢީ ދުޅަހެޔޮކަމަށް ކޮށްފާނެ އަސަރުން ރައްކާތެރިކުރަން މަސައްކަތް ކުރުމަކީ އެންމެންގެ ޒިންމާއެއް. މިވެބްސައިޓްގެ މަޤްސަދަކީ ކުޑަކުދިންގެ ނަފްސާނީ އަދި ޖިސްމާނީ ދުޅަހެޔޮކަމަށް މަގުފަހިކޮށްދޭނޭ، ދިވެހި ވާހަކަ ފޮތްތަކެއް އެއްތަނަކުން ގެނެސްދިނުން.

ވާހަކައިން ހުޅުވާދޭ ދުނިޔެއަކީ، ކުޑަކުދިން، އެ ކުދިންނަށް ދިމާވާ އެކިއެކި ކަންތަކާއި ކުރެވޭ ތަފާތު އިހުސާސްތައް ދެނެގަތުމާއި މި އިހުސާސްތައް ބަލައިގަތުމަށް އެހީތެރިވެދޭ ވަރަށް އަގުހުރި ތަނެއް. ވާހަކަ ފޮތް ކިޔާ ހެދުމުން ކުދިންގެ އުނގެނުމަށް ލިބޭ ގިނަ ކުރިއެރުންތަކުގެ އިތުރުން މައިންބަފައިންނާއި ޢާއިލާގެ އެހެނިހެން މެންބަރުން ކުދިންނަށް ފޮތް ކިޔާދިނުމުގައި ޝާމިލްވުމަކީ، އެފަރާތްތަކާއި ކުދިންނާއި ދެމެދު އޮންނަ ގުޅުން ބަދަހިވެ ދެފަރާތަށްވެސް އުފާވެރިކަމާއި ހިތްހަމަޖެހުން ގެނެސްދޭ އިޖްތިމާޢީ ހަރަކާތެއް.

މި ވެބްސައިޓްގައި ހިމަނާފައިވާ ފޮތްތަކުގެ ތީމް ނަގައިފައިވާނީ ބެލެނިވެރިންގެ މެދުގައި ދައުރުކުރެވުނު ސާރވޭއެއްގެ ނަތީޖާއަށް ބަލާފައި.